Татарстан районнары үзмәшгульләре һәм бизнесменнары эшкуарлыкка ярдәм итү чаралары буенча консультация ала алалар
Татарстанның 30 районында «Минем бизнес»үзәгенең төбәк вәкилләре эшли.
Татарстан районнары бизнес вәкилләре эшкуарларга ярдәм итү чаралары буенча түләүсез профессиональ консультация ала алалар. Моның өчен үз муниципалитетларыннан читкә чыгарга кирәкми.
Татарстан Республикасының 32 районында даими нигездә «Минем бизнес» үзәгенең Татарстан Республикасы Икътисад министрлыгына караган Эшкуарлыкка ярдәм фонды вәкилләре эшли.
Ягъни, республиканың теләсә кайсы почмагыннан сыйфатлы хезмәт алырга мөмкин. Муниципаль районнардагы белгечләр үз эшләрен ачу, финанс һәм бизнес-планлаштыру, юридик мәсьәләләр, персоналны сайлау, товарларны һәм хезмәтләрне сертификацияләү, микрозайм алу, белем бирү чараларында һәм чит ил күргәзмәләрендә катнашу буенча консультацияләр бирә.
Үзмәшгуль татарстанлылар иминият взносларын түләү, «Минем салым» кушымтасыннан файдалану, килешүләр буенча чеклар бирү, юридик затлар һәм шәхси эшмәкәрләр белән килешү төзү мәсьәләләре буенча төбәк вәкиленә консультация сорап мөрәҗәгать итә алалар. Моннан тыш, иң кыска вакыт эчендә ярдәм итүнең барлык ысулларыннан файдалану өчен, Татарстан эшкуарлары өчен РФ ФАСТРЕК.РФ порталын эшләгәннәр. Портал "бердәм тәрәзә" режимында эшли. Гаризаны бирергә һәм аның үтәлешен дистанцион рәвештә - «шәхси кабинет»та күзәтеп барырга мөмкин.