Россия Федерациясе Конституциясенә төзәтмәләр "Коррупциясез Татарстан" телетапшыруында тикшерелде
Халыкны хокукый яктан агарту максатыннан һәм «2015 - 2023 елларга Татарстан Республикасының коррупциягә каршы сәясәтен гамәлгә ашыру» дәүләт программасы нигезендә ТНВ телеканалында Татарстан Республикасы Президенты Идарәсе ярдәмендә халыкны хокукый яктан агарту һәм гражданнарда коррупциягә карата тискәре мөнәсәбәт булдыруга юнәлдерелгән «Коррупциясез Татарстан» телетапшырулар циклын чыгару гамәлгә ашырыла.
Турыдан-туры эфир режимында катнашучылар тарафыннан коррупцияне профилактикалау өлкәсенә кагылышлы тәкъдим ителгән үзгәрешләр аңлатылды. Мәсәлән, Россия Федерациясе территориясеннән читтә урнашкан чит ил банкларында счетлары (кертемнәр) булган, шулай ук чит дәүләт гражданлыгы булган йә чит ил территориясендә даими яшәү хокукы булган дәүләт һәм муниципаль хезмәт вазыйфаларын, дәүләт һәм муниципаль хезмәт вазыйфаларын биләүче затлар өчен чикләүләр кертү күздә тотыла.
Телетапшыру барышында чакырылган экспертлар вазыйфаи затларның керемнәренең һәм мөлкәтенең үтә күренмәлелеген һәм законлылыгын арттыру, шулай ук коррупцион хокук бозулар өчен җәзаның котылгысыз булуын тәэмин итү өлешендә үзгәрешләр кертүнең актуальлеге һәм кирәклеге турында үз фикерләрен белдерделәр, шулай ук гражданнардан килгән телефон шалтыратуларга җавап бирделәр. Телетапшыру язмасын түбәндәге сылтама буенча карарга мөмкин: https://tnv.ru/tv-projects-item/tatarstan-bez-korruptsii