Татарстанда Covid-19дан дүртенче үлем теркәлде

2020 елның 6 мае, чәршәмбе

Баулы районында бүгенге көнгә, 6 майга, коронавирус белән хәл тотрыклы кала. Узган тәүлек эчендә авыручылар артмады.

Баулы үзәк район хастаханәсенең баш табибы Глеб Алексеев сүзләренә караганда, 1 майга районның 39 кешесе күзәтү астында кала бирә. Санитар-эпидемиологик чараларны гамәлгә кертү башланганнан бирле барлыгы 178 кеше тикшерелгән.

Татарстанда бүген COVID-19 диагнозыннан үлүнең дүртенче очрагы экспертиза белән расланган.  5 майда Яр Чаллы шәһәрендә яшәүче 1969 елгы ир-атның гомере өзелгән. Аңа кадәр ул ИВЛ аппаратына тоташтырылган булган.