Өлкән яшьтәге баулыларга волонтерлар ярдәм итә

Баулы районында волонтерлар отрядлары булдырылган, алар составына 100 кеше кергән.

Алар ялгыз яшәүче өлкәннәргә һәм инвалидларга азык-төлек, медикаментлар китерәләр. 

Волонтер отрядларына яшьләр, социаль хезмәтләр, мәгариф, мәдәният һәм яшьләр хезмәткәрләре җәлеп ителгән. Авылларда волонтер отрядларын авыл җирлекләре башлыклары җитәкли. 

Барлык Баулы предприятиеләре җитәкчеләренә волонтерлык отрядларын булдыру турында мәгълүмат җиткерелгән. Хәзерге вакытта мондый отрядны нефтьчеләр дә төзегән. Алар лаеклы ялда булган ветераннарга беренче чиратта кирәкле азык-төлекне китерәләр. 

Хәзерге вакытта Баулыда кайнар линия телефоннары эшли: 8 (85569) 5-12-04, 5-46-68. Алар буенча азык-төлеккә яки даруларга заказ бирергә, шулай ук коммуналь хезмәтләргә түләү өчен мөрәҗәгать итәргә мөмкин. Кайнар линия телефоны көн саен 8дән 18 сәгатькә кадәр эшли. 

Эш алгоритмы эшкәртелгән, барлык волонтерларның да билгеле бер пропусклары бар, шулай ук алар шәхси саклану чаралары - битлекләр һәм перчаткалар белән тәэмин ителә. Волонтерлар заказларны тапшырганда өлкәннәр һәм товарлар белән минималь элемтә булырга тиеш. 

Волонтерлар отрядына кушылырга теләүчеләр Баулы районының яшьләр эшләре бүлеге җитәкчесе Айдар Хәлиуллинга мөрәҗәгать итә алалар. 

Бүгенге көнгә өлкәннәрдән әлегә шалтырату булмаган.

Район башкарма комитеты җитәкчесенең урынбасары Илмира Хөснуллина сүзләренә караганда, ялгыз пенсионерларга волонтерлар үзләре шалтырата башлаган. 

Туганнары, балалары булган өлкән кешеләр аларга ярдәм сорап мөрәҗәгать итәргә тиеш, дип билгеләп үтте Илмира Хөснуллина.