"Татнефть" волонтерлары яңа социаль инициативаны тормышка ашыралар
«Татнефть» нең яшь хезмәткәрләре өлкән яшьтәге кешеләргә эпидемиология куркынычы югары булган чорда өйдә калырга ярдәм итәчәк. Бу эшкә компаниянең яшьләр комитеты ӘДНИ студентларын да җәлеп итте. Алар бергәләп Татарстанның көньяк-көнчыгышындагы торак пунктларда өлкән яшьтәге кешеләргә коронавирус инфекциясе таралуга бәйле чикләүләр режимын саклауда ярдәм итәчәкләр.
Волонтерлар азык-төлек, дарулар, почта корреспонденциясен һәм башкаларны өлкәннәрнең өйләренә илтәчәк, кирәк булган очракта, пенсионерларга торак-коммуналь хезмәтләр өчен онлайн-түләүдә ярдәм итәчәкләр.
⠀
📞Өлкәннәр өчен махсус кайнар линия эшли башлаячак, анда алар үзләренә кирәкле азык-төлек яки дарулар китерүгә заказ бирә алачак. Заказны «Татнефть» яшьләр комитеты активистлары һәм ӘДНИ студентлары алып киләчәк. ⠀
⠀
Әлеге социаль инициативада катнашырга, Баулыда яшәүче өлкәннәргә ярдәм итәргә теләүчеләр «Баулынефть» НГДУсы яшьләр комитеты рәисе Максим Москвичевка мөрәҗәгать итә алалар.