Баулы районы ЗАГС бүлегендә ана капиталына сертификатлар тапшырылды

2020 елның 29 гыйнвары, чәршәмбе

Баулы муниципаль районы Башкарма комитеты ЗАГС бүлегенең теркәү залына икенче балалары туган әниләр чакырылды.

Ильмир һәм Гөлшат Шафиковлар гаиләсендә ир бала туган. Бәхетле әти-әни аңа Тимур дигән матур исем биргән. Бу исемнең килеп чыгышы төрки һәм ул «тимер»дигәнне аңлата. Ә Муродҗан һәм Зебо Корбановлар яңа туган кызларын Мәликә исеме белән атадылар. Бу мөселман исеме берничә мәгънәгә ия. Беренчесе - «фәрештә» булса, икенчесе – «патшабикә».

Бәхетле ата-аналарны ЗАГС бүлеге җитәкчесе С.Т. Мөрсәлимова һәм пенсия фонды идарәсе җитәкчесе урынбасары С. У. Ушакова котлады һәм ана капиталы сертификатларын тапшырдылар.