Баулыларны Бөтенроссия халык санын алу-2020 талисманын сайларга чакыралар
Баулылар 2020 елгы Бөтенроссия халык санын алу талисманын сайлап алу буенча милли конкурста катнаша ала.
Инде булган персонажларның элементларын күчереп алу тыела. Әмма катнашучылар ВПН-2020 рәсми символикасын куллана ала. Эшләр 10 февральгә кадәр (Мәскәү буенча 12: 00 сәгатькә кадәр) кабул ителәчәк. Конкурста 18 яшькә җиткән гражданнар катнаша ала. Аларга ВПН-2020 сайтында теркәлергә (www.strana2020.ru), махсус форма тутырырга, анда эшкә сылтама күрсәтергә кирәк.
Конкурсантлар үз эшләрен Instagram битләрендә урнаштырырга һәм аларны @strana2020 актив сылтамаcs һәм # талисман_перепись хештегы белән билгеләп үтәргә тиеш. Катнашучыларның профильләре барлык кулланучылар өчен дә ачык булырга тиеш. Эшләр png яки .jpeg.форматларда башкарыла.
Конкурсның җиңүчесе ике этапта билгеләнәчәк. Интернет-тавыш бирү ВПН-2020 сайтында эшләрне кабул итү тәмамланган көнне башлана. Шорт-листка Instagramда иң күп лайк җыйган зарисовкалар эләгәчәк. Икенче этапта эшләрне жюри әгъзалары бәяләячәк.
Нәтиҗәләр 2020 елның 28 февраленнән дә соңга калмыйча социаль челтәрдәге ВПН-2020 сайтында һәм рәсми битләрендә басылачак.