Марат Җәббаров "Danon Россия" компаниясенең генераль директоры Чарли Каппетти белән рәсми очрашу уздырды
22 октябрьдә Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Җәббаров Мәскәүдә "Danon Россия" компаниясенең генераль директоры, Россиядә, БДБдә, Төркиядә һәм Якын Көнчыгышта сөт продуктлары бүлекчәләренең вице-президенты Чарли Каппетти белән рәсми очрашу уздырды.
Шуны әйтергә ктрәк, Danone компаниясе составына 16 завод, шул исәптән Казанда «Данон Россия» АҖенең «Эдельвейс» сөт комбинаты” филиалы керә. Республика территориясендә сөт комбинат тәүлегенә 90-130 тонна чимал сатып ала (сезонга һәм ихтыяҗка бәйле рәвештә), ул авыл хуҗалыгы предприятиесе белән даими хезмәттәшлек итә.
Очрашу барышында яклар үзара файдалы хезмәттәшлек итү турында фикер алыштылар. “Татарстан – Россиядә сөт җитештерү һәм сату буенча лидерларның берсе, аны республикада эшкәртү һәм әзер продукцияне башка төбәкләргә һәм илләргә чыгару өстәлгән бәяне төбәктә калдыру мөмкинлеген бирә”, - диде Марат Җәббаров
Чарли Каппетти, үз чиратында, сөт эшкәртү өлкәсендәге эш тәҗрибәсе һәм алдагы планнары белән бүлеште. «Компания сакчыл һәм экологик җитештерү юнәлешендә эшли, шуңа күрә перспектив планда – сәүдә челтәрләрендә икенчел пластик чималны алу һәм аны кабат эшкәртү», - дип, планнары белән бүлеште компаниянең генераль директоры.
Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Чарли Каппеттига Татарстан Республикасы Президенты Рөстәм Миңнеханов исеменнән Рәхмәт хаты тапшырды һәм алга таба хезмәттәшлек итүнең барлык аспектлары буенча җентекләп фикер алышу өчен аны Казанга чакырды.
Белешмә өчен:
Danon компаниясе 1919 елда рус галиме Илья Мечников хезмәтләре белән кызыксынучы испан фармацевты Исаак Карассо тарафыннан төзелә һәм шулар нигезендә сөт продукты - йогурт әзерли башлый. Бүген компания дөньяда иэ эре сөт продукциясе җитештерүче булып санала, аның продукциясе 5 континентта һәм 120 илдә танылган.
Россиядә компания 1992 елдан башлап эшли. Беренче завод 1995 елда Тольяттида төзелә. Хәзерге вакытта компания составына 16 завод, шул исәптән Казанда «Данон Россия» АҖенең «Эдельвейс» сөт комбинаты” филиалы керә.
Татарстан филиалы 2004 елда төзелә, ул сөт һәм сөт продуктлары эшкәртүдә һәм җитештерүдә махсуслашкан. Предприятиедә җитештерүнең WISE иминлек культурасы һәм DaMaWay сакчыл җитештерү программасы гамәлгә кертелгән.
Чыгарыла торган продукция ассортименты: 54 исемдә.
Брендлар: «Простоквашино» (эчәргә яраклы пастеризацияләнгән сөт) каймак, каймаклы соус), «Смешарики» (сөт коктейльләре), «Эдельвейс» (эчәргә яраклы ультрапастеризацияләнгән сөт, каймак, катык), «Растишка» (сөт коктейльләре), «Для всей семьи» (эчәргә яраклы пастеризацияләнгән сөт, йогурт), «Актуаль» (соклы сыворотка), «Село Луговое» (варенец, турах, каймак).
Инвестицияләр һәм планнар: 2017 елда 75 млн сумга якын инвестиция кертелгән (каймак җитештерү буенча өстәмә куәт өчен – атнага 180 тонна), 2018 елга – 50 млн сум - искергән җайланмаларны алыштыру һәм җитештерүнең нәтиҗәлелеген арттыру өчен).
2019 елга локаль чистарту корылмаларын төзү буенча инвестиция проекты расланды – 300 млн. сумга якын.
«ДАНОН РОССИЯ» АҖ Татарстанда сөт тапшыручылар белән сөтнең продуктивлыгы һәм сыйфаты буенча актив эш алып бара. Бүгенге көнгә компания трейдерлар белән эшләми (бары тик турыдан-туры хуҗалыклар белән генә эшли). Республика территориясендә тәүлеккә 90-130 тонна чимал сатып алына (сезонга һәм ихтыяҗка бәйле рәвештә), 6 авыл хуҗалыгы предприятиесе белән даими хезмәттәшлек итә. . Компания республикада беренче булып үз эшендә хуҗалыклар белән озак сроклы контрактлар төзүне практикага кертте, бу базарларда чимал бәясе уйнап торганда хуҗалыкларга да тотрыклы эшләү мөмкинлеген бирә. Татарстан авыл хуҗалыгы предприятиеләренең барлык җитәкчеләре һәм белгечләре «ДАНОН РОССИЯ» АҖенең Липецк өлкәсендәге МБА (сөт бизнес-академиясе) уку үзәге базасында ташламалы шартларда укулар һәм стажировка уздылар. Кыр эшләренә, терлек сатып алуга, фермаларда өстәмә биналар реконструкцияләүгә һәм төзүгә компания тарафыннан займнар рәвешендә ярдәм күрсәтелде: 2018 – 52,3 млн сум, 2019 – 72 млн сум.