2018 елның 20 декабреннән Татарстанның барлык районнарында, шул исәптән Баулы районында янгынга каршы махсус режим кертелде, ул 2019 елның 10 гыйнварына кадәр дәвам итәчәк. Янгынга каршы махсус режим таләпләрен бозган өчен, административ закончалык нигезендә, штраф салына.
Янгынга каршы куркынычсызлык чарасы Яңа ел бәйрәмнәре алдыннан ел саен кертелә. Чөнки бу чорда пиротехника кулланучылар саны арта һәм, кызганычка каршы, петарда һәм фейерверклар янгыннарга, җитди җәрәхәт алуга һәм хәтта кеше үлеменә дә китерүе ихтимал.
Янгынга каршы махсус режим таләпләрен бозган өчен, административ закончалык нигезендә, штраф салына. Сатучыларга да, кулланучыларга да. Мәсәлән, пиротехниканы сертификатлары, куллану инструкцияләре һәм яраклылык срогы булмаган килеш сату, 18 яшькә җитмәгән кешеләргә һәм интернет аша (бу очракта сатучы юридик зат буларак рәсмиләштерелмәгән дә булырга мөмкин) сату закон бозу санала.
Вазифаи затларга – 15-30 мең сум, эшмәкәрләргә – 30-40 мең сум. юридик затларга 200-400 мең сум штраф каралган. Гади кеше петарда яки фейерверкны моның өчен каралган махсус урында кулланмаса, аңа 2-4 мең сум штраф салынырга мөмкин.
Россия Гадәттән тыш хәлләр министрлыгы ТР идарәсенең Баулы һәм Ютазы районнары буенча күзәтчелек эшчәнлеге һәм профилактик эшләр районара бүлеге начальнигы Игорь Барабанов “Хезмәткә дан” газетасына түбәндәгеләрне сөйләде:
Игорь Барабанов чыршыларны янмый торган уенчыклар белән генә бизәргә, кулдан ясалган электр гирляндаларын катгый рәвештә кулланмаска киңәш итте. Күптән түгел Баулыда шундый гирлянда аркасында янгын чыккан.
Куркынычсызлык чаралары:
Яңа ел бәйрәмнәрендә урамда куркынычсызлык кагыйдәләре:
Куркыныч янаганда кая шалтыратырга?
112 – МЧС коткару хезмәте бердәм номеры;
01, 5-17-01 – янгын сагы, МЧС коткаручылары (кәрәзле телефоннан – 010);
(843) 227-46-96 – ТР Россия МЧС баш идарәсе ышаныч телефоны.